Premer-lıga: «Qyzyljar» toǵyzynshy orynǵa kóterildi

<p>ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 16-týryndaǵy eki oıynnyń nátıjesi belgili boldy.</p>

Petropavldyq «Qyzyljar» óz alańynda Taldyqorǵannyń «Jetisý» komandasyn qabyldady.

Alań ıeleri bıylǵy birinshilikti sátti bastaǵan edi. Degenmen keıingi týrlarda jıi qatelikke boı aldyryp, týrnır kestesinde sońǵy orynnyń birine túsip qaldy. 

Sondaı-aq «Jetisýdyń» da jaǵdaıy máz emes. Atalǵan komanda qarsylastaryna jıi ese jiberip qoıyp júr.

Búgingi kezdesýde petropavldyq komanda sapynan Senın Sebaı 82, Rafaıl Ospanov 92-mınýtta mergendik tanytsa, oǵan «Jetisý» sapynan Anton Shramchenko 97-mınýtta penaltıden bir golmen jaýap qaıyrdy. 

Osylaısha «Qyzyljar» qarsylasynan 2:1 esebimen basym túsip, týrnır kestesinde toǵyzynshy orynǵa kóterildi.

Al «Atyraý» men «Qaısar» (Qyzylorda) komandalary 2:2 esebine qanaǵat bildirdi.

Bul oıynda atyraýlyq klýbtan Igor Stachevıch 59-mınýtta penaltıden esep ashsa, Nıkolaı Sıtnevıch 79-mınýtta basymdyqty arttyrdy.

Oǵan «Qaısar» sapynan Rýslan ıÝdenkov 81, Dmıtrıı Borodın 97-mınýtta penaltıden eki golmen jaýap berdi.

Dál qazir Almatyda jergilikti «Qaırat» pen Semeıdiń «Elimaıy» arasyndaǵy kezdesý bastaldy. Ázirge esep - 0:0.

Al 4 tamyzda 18:00–de «Jeńis» (Astana) pen «Aqtóbe», «Astana» men «Turan» (Túrkistan) oınaıdy.

Bul týrdaǵy «Tobyl» (Qostanaı) men «Shahter» (Qaraǵandy) kezdesýi 28 qyrkúıekke belgilengen.