Premer-lıga: «Qaıratpen» kezdesýde Tomasovtyń goly «Astanaǵa» jeńis syılady

<p>ASTANA. KAZINFORM &mdash; Búgin fýtboldan Premer-lıga komandalary arasyndaǵy el birinshiliginiń 19-týrynda &laquo;Astana&raquo; &laquo;Qaırattan&raquo; basym tústi.</p>

Eýrokýbok oıyndaryna qatysýyna baılanysty elordalyq komanda birqatar oıyndy keıinge shegerdi. Qazirge deıin nebári 13 oıynnnan keıin 18 upaımen 10-orynda turǵan bolatyn. Al, almatylyq ujym 17 oıynnan keıin 32 upaımen kósh basynda keledi. 

Kezdesý barysynda qos komanda jeńiske jetý jolyn izdedi. Dese de bir-birine tegeýrindi qarsylyq kórsete bildi. Oıyn taǵdyryn 84-mınýtta elordalyq komandadan Marın Tomasov soqqan jalǵyz gol sheshti. Osylaısha «Astana» qarsylasynan 1:0 esebimen basym túsip, týrnır kestesinde 8-orynǵa kóterildi.

Osy oıynmen qatar ótken taǵy bir kezdesýde «Jetisý» men «Turan» komandalary 0:0 esebine qanaǵat bildirip, teń tarqasty. 

Qazir «Shahter» (Qaraǵandy) men «Jeńis» (Astana) kezdesýi ótip jatyr. Ázirge esep - 0:0. 

Sondaı-aq 31 tamyzda ótken oıynda óz alańynda «Aqtóbe» «Elimaıdan» 1:3 esebimen jeńilse, «Qaısar» komandasy «Ordabasyny» 2:1 esebimen tize búktirdi. Taǵy bir kezdesýde «Tobyl» men «Atyraý» 1:1 esebin tirkedi.