Premer-lıga: «Qaırat» kósh basyna shyqty

<p>ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 16-týrynda almatylyq &laquo;Qaırat&raquo; pen Semeıdiń &laquo;Elimaıyn&raquo; oısyrata jeńdi.</p>

Týrnır kestesinde eki komanda qatarlas keledi. Almatylyq klýb qatarynan eki márte jeńiske jetip, jaǵdaıyn jaqsartyp alǵan edi. Dál osyndaı nátıjege «Elimaı» da qol jetkizip, úzdik úshtiktegi komandalarǵa jaqyndaı túsken bolatyn. 

Kezdesý barysynda almatylyq klýbtyń belsendiligi baıqaldy. Birinshi keezńde olardyń qatarynan Aleksandr Martynovıch 3, Lýka Gadranı 14-mınýtta mergendik tanytty.

Ekinshi kezeńde de «Qaırat» oıyn tizginin óz qolyna alýǵa tyrysty. Nátıjesinde Andreı Ýlshın 51, Egor Sorokın 65-mınýtta kózdegen nysanadan múlt ketken joq.

Oıynnyń 80-mınýtynda «Qaırat» qaqpasyna belgilengen penaltıden Jan Alı Paırýz gol soqty.

Osylaısha «Qaırat» qarsylasynan 4:1 esebimen basym túsip, týrnır kestesinde kósh basyna shyqty.

Endi 4 tamyzda 18:00–de «Jeńis» (Astana) pen «Aqtóbe», «Astana» men «Turan» (Túrkistan) oınaıdy.

Bul týrdaǵy «Tobyl» (Qostanaı) men «Shahter» (Qaraǵandy) kezdesýi 28 qyrkúıekke belgilengen.

Eske salsaq, budan buryn «Qyzyljar» «Jetisýdy» 2:1 esebimen jeńse, «Atyraý» men «Qaısar» 2:2 esebine qanaǵat bildirdi.