ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 17-týrynda almatylyq «Qaırat» syrt alańda Petropavldyń «Qyzyljarynan» basym tústi.
Almatylyq «Qaırat» bıyl bas báıgeden úmittenip otyr. Qazir týrnır kestesinde ekinshi orynda keledi. Búgingi oıynda jeńiske jetken jaǵdaıda birinshi orynǵa kóteriledi.
Petropavldyq komanda keıingi týrlarda jaqsy nátıjege qol jetkizip, týrnır kestesindegi jaǵdaıyn jaqsartyp aldy.
Kezdesý taǵdyryn almatylyq komandadan 39 -mınýtta Andreı Ýlshın soqqan jalǵyz gol sheshti.
Osylaısha «Qaırat» qarsylasynan 1:0 esebimen basym túsip, týrnır kestesinde birinshi orynǵa kóterildi.
Dál qazir «Elimaı» (Semeı) men «Turan» (Túrkistan) kezdesip jatyr. Ázirge esep - 0:0.
Sondaı-aq 18 tamyzda «Shahter» (Qaraǵandy) men «Ordabasy» (Shymkent), «Jetisý» (Taldyqorǵan) men «Tobyl» (Qostanaı), «Aqtóbe» men «Qaısar» (Qyzylorda) jasyl alańǵa shyǵady.
Bul týrdaǵy «Astana» men «Atyraý» kezdesýi belgisiz merzimge keıinge shegerildi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.