Premer-lıga: «Qaırat» birinshi orynǵa kóterildi

<p>ASTANA. KAZINFORM - Almatylyq &laquo;Qaırat&raquo; Qazaqstan Premer-lıgasy komandalary arasyndaǵy el birinshiliginiń 24-týrynda Taldyqorǵannyń &laquo;Jetisý&raquo; komandasynan basym tústi.</p>

Almatylyq klýb bıyl bas júldege qol sozýdy aldyna maqsat etip otyr. Sondyqtan árbir kezdesýde jeńiske jetýge bar kúshin salyp keledi.

Búgingi kezdesý barysynda taldyqorǵandyq komanda alǵashqy bolyp esep ashty. Ony 3-mınýtta komanda kapıtany Serikjan Mýjıkov óziniń enshisine jazdy.

Oıynnyń 23-mınýtynda «Qaırat» sapynan Aleksandr Martynovıch tarazy basyn teńestirse, 91-mınýtta Ofrı Afad jeńis golyn soǵyp ketti.

Osylaısha almatylyq ujym 2:1 esebimen jeńip, týrnır kestesinde birinshi orynǵa kóterildi.

Dál qazir «Atyraý» men «Elimaı» kezdesýi ótip jatyr.

Al 18.00-de «Ordabasy» men «Jeńis» jasyl alańǵa shyǵady.

Al 27 qazanda «Shahter» men «Qyzyljar», «Turan» men «Túrkistan», «Astana» men «Atyraý» kezdesedi.

Eske salsaq, «Semeı» men «Qaırat» fýtzaldan Chempıondar lıgasy elıtalyq kezeńine joldama aldy.