Premer-lıga: Fýtboldan el birinshiligi máresine jetti

<p>Fýtboldan premer-lıga komandalary arasyndaǵy el birinshiligi máresine jetti. Sońǵy týrda ekinshi, úshinshi orynǵa ıe bolǵan jáne birinshi lıgaǵa túsip qalǵan úshinshi komandalar anyqtaldy, dep habarlaıdy <a href="https://kaz.inform.kz/?_gl=1*1ppzdsp*_ga*NzgwMzg1NDY2LjE2OTQ4MzQ5NTM.*_ga_Y44SMVECD5*MTY5ODQ3MzM2MC40OS4wLjE2OTg0NzMzNjAuNjAuMC4w&amp;pk_vid=950730acf4cfe4b61698473363ee3036" target="_blank" rel="noopener">Kazinform</a>.</p>

Shymkenttik «Ordabasy» klýby bir týr buryn chempıondyq ataqqa qol jetkizgen edi. Sondyqtan sońǵy týrda ekinshi jáne úshinshi oryn taǵdyry elordalyq «Astana» men «Aqtóbe» arasynda sheshildi.

Astanalyq klýb syrt alańda Qaraǵandynyń «Shahterimen» sheberlik baıqasty.

Kezdesý barysynda elordalyq komanda sapynan Vladıslav Prokopenko 25-mınýtta esep ashsa, qaraǵandylyq Aıdos Táttibaev 55-mınýtta tarazy basyn teńestirdi.

Al «Aqtóbe» óz alańynda Taldyqorǵannyń «Jetisýymen» kezdesti.

Oıyn barysynda aqtóbelik komandadan Shına 6, Maksım Samorodov 53, taldyqorǵandyq komandadan Anes Rýjevıch 32, 38-mınýtta mergendik tanytty. Kezdesý 2:2 esebimen teń aıaqtaldy.

Nátıjesinde ekinshi oryn «Astanaǵa» buıyrsa, «Aqtóbe» úzdik úshtikti túıindedi.

Sondaı-aq, Túrkistan oblysynyń «Maqtaraly» syrt alańda «Oqjetpes» komandasymen kezdesken edi. Eki komanda úshin de birinshi lıgaǵa túsip qalý qaýpi seıilgen joq bolatyn. Kezdesý barysynda túrkistandyq klýbtan Charlston 3-mınýtta esep ashsa, 93-mınýtta «Oqjetpes» oıynshysy Sanat Jumahanov esepti teńestirdi.

Oıyn 1:1 esebimen teń aıaqtalyp, kókshetaýlyq klýb týrnır kestesinde on ekinshi oryndy mise tutty. Saldarynan olar «Kaspıı», «Aqsý» komandalarymen birge aldaǵy jyly birinshi lıgada oıyn oınaıtyn boldy.

Al shymkenttik klýb syrt alańda Aqtaýdyń «Kaspıı» komandasyna 0:1 esebimen jol berdi.

Búgin «Qaırat» pen «Atyraý» 0:0 esebine qanaǵat bildirse, óz alańynda «Aqsý» «Tobylǵa» 0:3, «Qyzyljar» «Qaısarǵa» 0:1 esebimen ese jiberdi.