Premer-lıga: «Elimaı» «Turannyń» osal tusyn taba almady

<p>ASTANA. KAZINFORM - Búgin, 23 maýsymda fýtboldan Qazaqstan Premer-lıgasynyń on ekinshi týrynda semeılik &laquo;Elimaı&raquo; men túrkistandyq &laquo;Turan&raquo; teń tústi.</p>

Kezdesý barysynda semeılik klýb alǵashqy bolyp esep ashty. Oıynnyń 33-mınýtynda Dmıtrıı ıAshın «Elimaıdy» alǵa shyǵardy. 

«Turan» sapynan Antonıo ıAkolısh 43-mınýtta tarazy basyn teńestirdi.

Al 47-mınýtta Sergeı Keıler qaıtadan «Elimaıdyń» basymdyǵyn arttyrsa, 94-mınýtta túrkistandyq komandadan Artem Dmıtrıev qorytyndy esepti belgiledi.

Komandalar 2:2 esebimen teń tústi.

Al «Aqtóbe» men «Shahter» kezdesýin jalǵyz gol sheshti. Ony 70-mınýtta Romero Dornı óziniń enshisine jazdy.

Osylaısha «Aqtóbe» qarsylasyn 1:0 esebimen jeńip, týrnır kestesinde ekinshi orynǵa taban tiredi. Birinshi jáne ekinshi oryndaǵy «Ordabasy» men «Aqtóbeniń» enshisinde 22 upaıdan bar.

Eske salsaq, budan buryn «Ordabasy» «Jeńisten» 3:1 esebimen basym tússe, «Atyraý» men «Tobyl» 1:1 esebine qanaǵat bildirdi.

Sondaı-aq 22 maýsymda «Qaısar» syrt alańda «Jetisýdy» 2:1 esebimen jeńse, «Astana» «Qyzyljardan» 1:0 esebimen basym tústi.