Premer-lıga: Búgin elimizde 21-týr oıyndary bastalady

<p>ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 21-týry bastalady.</p>

Bul týrdaǵy negizgi oıyndar 22 qyrkúıekte saǵat 19:00-de «Ordabasy» (Shymkent) men «Astana» arasynda bolady. Komandalar bıyl bas júldege qol jetkizýdi aldyna maqsat etip otyr. Sondyqtan jankúıerler atalǵan kezdesýden tartysty báseke kútetini anyq. Mamandar bul oıynda chempıondyq ataqtyń taǵdyry sheshilýi múmkin ekenin aıtady.

Sondaı-aq, atalǵan týrda 21 qyrkúıekte 17:00-de «Atyraý» men «Jeńis» (Astana), 19:00-de «Qaırat» (Astana) pen «Qaısar» (Qyzylorda) kezdesedi.

Al 22 qyrkúıekte 17:00-de «Turan» (Túrkistan) men «Qyzyljar» (Petropavl), «Shahter» (Qaraǵandy) men «Elimaı» (Semeı), «Tobyl» (Qostanaı) men «Aqtóbe» jasyl alańǵa shyǵady.

Eske salsaq, budan buryn fýtboldan birinshi lıgada «Han táńiri» komandasy «Jetisaıdan» basym tústi.