Premer-Mınıstrdiń orynbasary pavlodarlyqtardy jeke máseleleri boıynsha qabyldady
Vıtse-premer men Eńbek jáne halyqty áleýmettik qorǵaý mınıstri Berdibek Saparbaev Halyqty jumyspen qamtý ortalyǵyna, Halyqqa qyzmet kórsetý ortalyǵyna jáne «Open Pavlodar» front-ofısine baryp, olardyń jumysymen tanysty.
1 sáýirdegi jaǵdaı boıynsha oblysta 1368 jumys berýshiden 2800 bos jumys orny bar. Jumys izdep júrgen 2053 adam tirkeldi, turaqty jumys ornyna 1262, áleýmettik jumys oryndaryna - 121, jastar praktıkasyna - 52, qoǵamdyq jumystarǵa - 364 adam ornalastyryldy. 48 otbasyny kóshirýge arnalǵan memlekettik qoldaý sharalary boıynsha qarajat bólindi.
Úkimet músheleri odan keıin Pavlodar oblysynyń turǵyndarymen kezdesý ótkizdi.
«Búginde memleket halyqtyń az qamtylǵan tobyna áleýmettik qoldaý kórsetýge baǵyttalǵan sharalardy qabyldaýda. 1 sáýirden bastap ataýly áleýmettik kómekti taǵaıyndaý tómengi kúnkóris deńgeıiniń 70% arttyryldy jáne ol 20 789 teńgeni quraıdy. Mamyr aıynan bastap jaldamaly baspana berý bastalady. Al 1 maýsymnan bıýdjettik salanyń jalaqysy tómen qyzmetkerleriniń eńbekaqysy artady. Bilim berý jáne densaýlyq saqtaý júıesiniń qyzmet kórsetý sapasyn arttyrý boıynsha sharalar qabyldanady», - dedi G. Ábdiqalyqova.
Kezdesý sońynda Premer orynbasary azamattardy jeke suraqtary boıynsha qabyldady. Ol oblys basshylyǵyna jumyssyz júrgen Aıdar Qalymovty «Lıder Plast-PV» JShS áleýmettik jumys ornyna 120 myń teńge jalaqymen menedjer retinde jumysqa ornalastyrýǵa járdemdesýdi tapsyrdy.
Pavlodar oblysyna jumys saparynyń qorytyndysy boıynsha QR Premer-Mınıstriniń orynbasary G. Ábdiqalyqova birqatar tapsyrma berdi.