Premer-Mınıstrdiń orynbasary: Omıkrondy juqtyrý kórsetkishi pandemııa bastalǵaly rekordqa jetti
«Barshańyzǵa málim, sońǵy kúnderi Qazaqstannyń barlyq óńirlerinde epıdemııalyq ahýal kúrt nasharlady. Buǵan birden bir sebep - elimizde «Omıkron» shtamynyń taralýy. Bul jeltoqsan aıynda jasalǵan zertteýlerdiń qorytyndysy boıynsha da dáleldendi. Jalpy, álem boıynsha aýrý sanynyń kezekti ret kúrt artýyna ózderińiz de kýá bolyp otyrsyzdar. Dúnıejúzilik densaýlyq saqtaý uıymynyń málimeti boıynsha, Eýropada sońǵy eki aptada aýrý sany ósti. Onyń ishinde halyqtyń 50% «omıkronmen» aýyryp jatyr», - dedi E. Toǵjanov Ortalyq kommýnıkatsııalar qyzmetinde.
Spıkerdiń aıtýynsha, aýrýshańdyqtyń artýyna halyqtyń belsendi ishki jáne syrtqy kóshi-qony, uzaq merekelik kúnder sondaı-aq eldegi tolqýlar da yqpal etken.
«Omıkrondy ádettegi maýsymdyq vırýstyq ınfektsııa dep oılaıtyn dar bar. Bul shtamdy qarapaıym tumaý dep qabyldaýǵa bolmaıdy. Omıkron shtamynyń ereksheligi – tez juǵatynynda jáne ony qaıta juqtyrý qaýpi joǵary. Taralý koeffıtsıenti 1-5. Ol Delta nusqasynan 70 ese jyldam taralady. Máselen, sońǵy táýlikte ǵana 9 700 jaǵdaı tirkelgen. Sońǵy aıda koronavırýs ınfektsııasyn juqtyrý 20 esege ósti. Mundaı táýliktik kórsetkish pandemııa bastalǵan sátten beri tirkelmegen», - dedi E. Toǵjanov.