Premer-Mınıstr vaktsınalaý boıynsha kósh sońynda qalǵan óńir ákimderine tapsyrma berdi

NUR-SULTAN. QazAqparat – Mańǵystaý jáne Qostanaı oblystarynda ekpe alýǵa tıis halyqtyń jartysy ǵana vaktsına saldyrǵan. Bul týraly QR Premer-Mınıstri Álıhan Smaıylov Úkimet otyrysynda málim etti, dep habarlaıdy QazAqparat tilshisi.

«Mektep oqýshylary arasynda koronavırýs ınfektsııasynyń kóbeıgenin eskerip, ákimderge barlyq oqý oryndarynda sanıtarııalyq-epıdemıologııalyq rejımniń buljytpaı saqtalýyn qamtamasyz etýdi tapsyramyn. Sondaı-aq halyqty vaktsınalaý jáne revaktsınalaý jumystaryn barynsha kúsheıtý qaje», - degen Premer-Mınıstr buǵan deıin berilgen tapsyrmalarǵa qaramastan, Mańǵystaý jáne Qostanaı oblystarynda ekpe alýǵa tıis halyqtyń jartysy ǵana vaktsına saldyrǵanyn atap ótti.

Aıýynsha, el astanasy men Almatyda jáne Mańǵystaý oblysynda revaktsınalaý qarqyny jaqsarmaǵan.

«Al, Shyǵys Qazaqstan oblysynda vaktsınamen qamtý 100 protsent, revaktsınalaý shamamen 80 protsentke jetip otyr. Jambyl oblysynda vaktsına saldyrý 100 protsentke, al revaktsınalaý – 66 protsentke jýyqtady.

Bul – basqa óńirler úshin úlgi bolarlyq jumys. Kósh sońyndaǵy aımaqtardyń ákimderi vaktsınalaý jáne revaktsınalaý máselesin kúndelikti baqylaýǵa alýy tıis», - dedi Úkimet basshysy.