Premer-Mınıstr: Tutynýshylardyń quqyqtaryn qorǵaıtyn ombýdsmen ınstıtýtyn engizemiz

NUR-SULTAN. QazAqparat – QR Premer-Mınıstri Asqar Mamın tutynýshylardyń quqyǵyn qorǵaýmen aınalysatyn ombýdsmen ınstıtýtyn engizý usynysyn qoldaıtynyn aıtty, dep habarlaıdy QazAqparat tilshisi.

«Qazaqstandyqtardyń turmys sapasyn arttyrý tutynýshylardyń quqyqtaryn qorǵaý deńgeıin arttyrýmen tyǵyz baılanysty.

Tutynýshylardyń quqyqtaryn qorǵaý deńgeıi adal jáne básekeles kásipkerlikti damytýdyń ındıkatory bolyp tabylady.

Óz quqyqtaryna senimdi tutynýshylar sapaly taýarlarǵa, jumystar men qyzmetter kórsetýge belsendi suranysty qamtamasyz etedi. Bul ekonomıkany damytýdyń quramdas bóligi bolyp tabylady», - dedi ol Úkimet otyrysynda.

Condaı-aq, ol pandemııa kezeńinde elektrondyq saýda qyzmetterine suranys kúrt óskenin eske saldy.

«Sondyqtan tutynýshylar quqyqtarynyń buzylýyna jol bermeý úshin quqyqtyq normalardy odan ári jetildirý qajet. Byltyr zańnamaǵa túzetýler engizilip, Úkimet janynan Vedomstvoaralyq keńes quryldy, tutynýshylardyń quqyqtaryn buzǵany úshin ákimshilik jaýapkershilik engizildi. Ombýdsmen ınstıtýty tıimdi basqarýdyń zamanaýı modeliniń ajyramas bóligine aınaldy. Kóptegen elderdiń tájirıbesi tutynýshylardyń quqyqtaryn qorǵaý jónindegi ombýdsmen ınstıtýtyn engizý qajettigin aıǵaqtaıdy.

Onyń mindeti tutynýshylarǵa quqyqtyq kómek kórsetý bolmaq. Bul norma ázirlenip jatqan «Tutynýshylardyń quqyqtaryn qorǵaý týraly» jańa redaktsııadaǵy zań jobasynda jazylady. Jalpy osy baǵytta júrgizilip jatqan jumysty qoldaımyn», - dedi Premer-Mınıstr.