Premer-Mınıstr Túrkistan oblysynyń jańa ákimine qandaı tapsyrma berdi

NUR-SULTAN. QazAqparat - Álıhan Smaıylov Túrkistan oblysynyń aktıvine jańa ákimdi tanystyrdy. Premer-Mınıstr QR Prezıdenti óńir basshylyǵynyń aldyna azamattardyń ál-aýqatyn arttyrý, týrızmdi, agroónerkásip keshenin jáne basqa da salalardy damytý boıynsha mindetter qoıǵanyn atap ótti.

Bul týraly QazAqparat Úkimettiń resmı saıtyna silteme jasap habarlaıdy.

Ondaǵy málimetterge qaraǵanda, máselen, Túrkistan oblysyn damytýdyń 2025 jylǵa deıingi keshendi jospary aıasynda birqatar mańyzdy jobalardy iske asyrý kózdelgen, onyń ishinde jańa ónim shyǵarý, joldardy jańǵyrtý, turaqty jumys oryndaryn qurý jáne jalpy azamattardyń ómir súrý sapasyn jaqsartý boıynsha jabalar bar.

«Óńir basshylyǵy ekonomıkany barynsha ártaraptandyrý boıynsha jumysty jandandyrýy qajet. Turǵyndardy jumyspen qamtyp, azyq-túlik ónimderi baǵasynyń ósýin tejeý, halyqty gazben jáne sýmen jabdyqtaý, sondaı-aq mekteptegi oryn jetispeýshiligin joıý máselelerine birinshi kezekte nazar aýdarý qajet», - dedi Premer-Mınıstr.

Bul oraıda Úkimet basshysy oblys ákimdiginiń jumysy halyqpen tıimdi dıalog negizinde qurylýy tıis ekenine nazar aýdardy.

Álıhan Smaıylov qazirgi ýaqytta týrızmniń oblys ekonomıkasynyń negizgi salalarynyń biri ekenin, sondyqtan otandyq jáne sheteldik týrıster úshin qolaıly jaǵdaı jasaý jónindegi jumysty jalǵastyrý qajettigin atap ótti.

Premer-Mınıstr Ómirzaq Shókeevke mańyzdy halyqaralyq, saıası jáne mádenı oqıǵalar bolyp turatyn eń ádemi oblys ortalyqtarynyń birine aınalǵan Túrkistan qalasynyń jáne óńirdiń damýyna qosqan zor úlesi úshin alǵys aıtty.

Foto: primeminister.kz