Premer-Mınıstr S.Ahmetov Qostanaı oblysynyń ónerkásiptik áleýetimen tanysty
dep habarlanady QR Mınıstrler kabıneti basshysynyń baspasóz qyzmetinen.
«SSKBÓB» AQ-nyń Sarybaı karerinde Úkimet basshysy temir rýdalaryn óndirý jónindegi óndiristik baǵdarlamanyń oryndalý barysymen jáne kásiporyndy damytýdyń perspektıvalarymen tanysty.
Al birlestiktiń jylý-elektr ortalyǵynda Premer-Mınıstr stansanyń kúzgi-qysqy merzimdegi jumys jaǵdaıymen jáne onyń damý perspektıvasymen tanysty. 1998 jyly Rýdnyı qalasynyń jylý-elektr ortalyǵy «SSKBÓB» AQ-nyń senimdi basqarýyna berilgen bolatyn. Rýdnyı qalasyn elektr qýatymen jabdyqtaýdyń senimdiligin jaqsartý jáne kásiporynda óndiriletin óz elektr qýatynyń kólemin arttyrý maqsatynda jylý-elektr ortalyǵyn keńeıtý jáne jańartý jónindegi ınvestıtsııalyq joba iske asyryldy.
S.Ahmetov sondaı-aq «SSKBÓB» AQ úshin kadrlar daıarlaý júıesimen tanysý maqsatynda korporatıvtik oqý ortalyǵynda boldy. Úkimet basshysy ortalyqtyń bilim baǵdarlamalarymen jáne jattyqtyrý synyptarynyń múmkindikterimen tanysty.