Premer-Mınıstr Parlament depýtattaryna alǵysyn bildirdi
Ol eń aldymen eldi ındýstrııalandyrýmen baılanysty. Ekinshiden, aldaǵy 2-3 jylda Úkimet densaýlyq saqtaý, bilim jáne til máselelerine baılanysty baǵdarlamalardy daıyndaýda. «Bul qujattardy biz depýtattarmen birlesip talqylaımyz, dedi Premer-Mınıstr Kárim Másimov. Bul týraly ol búgin Parlament Májilisiniń jalpy otyrynda málim etti, dep habarlaıdy QazAqparat.
Otyrysta Parlament depýtattaryna alǵysyn bildirgen Premer-Mınıstr: «Sizderdiń Úkimetke kórsetken qoldaýlaryńyz óte mańyzdy dep bilemin. Sizder bizdi álemdi jaılaǵan qarjy daǵdarysy sııaqty kúrdeli kezeńderde de demep otyrdyńyzdar.
Qazir biz Memleket basshysynyń tapsyrmasymen osy daǵdarystan shyǵý joldaryn izdestirýdemiz jáne bul baǵyttaǵy jumystardyń alǵashqy nátıjeleri jaman emes. Bul sizdermen birlesken eńbektiń jemisi», dedi K. Másimov.