Premer-Mınıstr «LÝKOIL» basshysymen ınvestıtsııalyq jobalardy júzege asyrýdy talqylady

NUR-SULTAN. QazAqparat – QR Premer-Mınıstri Álıhan Smaıylov «LÝKOIL» JAQ prezıdenti Vagıt Alekperovpen kezdesý ótkizdi, dep habarlaıdy primeminister.kz saıty.

Taraptar kómirsýtek shıkizatyn barlaý, óndirý jáne tasymaldaý, sondaı-aq munaı jáne gaz óńdeý salalarynda birlesken ınvestıtsııalyq jobalardy iske asyrýdyń jaı-kúıi men perspektıvasyn talqylady. Qarashyǵanaq jobasyn ári qaraı damytýǵa, «Qalamqas teńiz» jáne «Hazar», «Hvalynskoe», «Ortalyq», «Jeńis» jáne «Ál-Farabı» («1-R-2») jobalaryn júzege asyrýǵa erekshe nazar aýdaryldy.

Á. Smaıylov «LÝKOIL» JAQ-tyń taýarlardaǵy, jumystar men kórsetiletin qyzmetterdegi, kadrlardaǵy jergilikti qamtýdy barynsha paıdalanýynyń, sondaı-aq QR aýmaǵynda jobalardy iske asyrý kezinde zamanaýı ekologııalyq taza tehnologııalardy qoldanýynyń mańyzdylyǵyn atap ótti.