Premer-Mınıstr qytaılyq kompanııa basshylarymen kelissóz júrgizdi

ASTANA. QazAqparat – Premer-Mınıstr Álıhan Smaıylov Xinjiang Hualing Industry and Trade (Group) Co. tóraǵasy Mı Yn Hýamen jáne Shanxi Meijin Energy Co. basshysy ıAo Tszın Lýnmen kelissóz júrgizdi, dep habarlady QazAqparat Úkimettiń baspasóz qyzmetine silteme jasap.

Xinjiang Hualing Qytaı holdıngi development, saýda, aýyl sharýashylyǵy, logıstıka, energetıka jáne t. b. salalarda jumys júrgizedi. Álıhan Smaıylov atap ótkendeı, bul salalardyń barlyǵy Qazaqstan ekonomıkasy úshin basym baǵyttar.

Osyǵan oraı, eki el arasynda ózara tıimdi yntymaqtastyq qurýdyń áleýeti zor. Premer-Mınıstr Qazaqstan Úkimeti Xinjiang Hualing Group-tyń ınvestıtsııalyq bastamalaryna qoldaý kórsetýge daıyn ekenin atap ótti. Óz kezeginde Mı Yn Hýa Qazaqstanmen odan ári yntymaqtastyqqa senim bildirip, keleshekte túrli jobalardy birlesip júzege asyrýǵa daıyn ekenin jetkizdi.

Qytaı delegatsııasynyń sapary barysynda QR Saýda jáne ıntegratsııa mınıstrligi men Xinjiang Hualing Industry and Trade (Group) Co arasynda aýyl sharýashylyǵy salasyndaǵy ınvestıtsııalyq jobalardy júzege asyrý boıynsha ózara túsinistik týraly memorandýmǵa qol qoıyldy.