Premer-Mınıstr Qaraǵandydaǵy «Nurly jol» baǵdarlamasy boıynsha salynyp jatqan balabaqshaǵa bardy

ASTANA. QazAqparat - Qaraǵandyda aǵymdaǵy jyldyń shilde aıynda 320 orynǵa shaqtalǵan jańa balabaqshany ashý josparlanýda, onda árqaısysynda 20 bala qamtylǵan 16 top bolady.

Premer-Mınıstrge oblys ákiminiń birinshi orynbasary baıandaǵandaı, balabaqsha shilde aıynda paıdalanýǵa beriledi.

Oblysta «Nurly jol» baǵdarlamasy belgilengen qarqynda júzege asyrylyp jatyr, qazirgi sátte turǵyn úı qurylysy nysandaryn ınjenerlik jelilermen qamtamasyz etýge qatysty jumystar júrgizilýde.

Turǵyn úı qurylysy birneshe baǵdarlama boıynsha júrgizilip jatqanyn aıta ketken jón, atap aıtqanda: «Óńirlerdi damytýdyń 2020 jylǵa deıingi baǵdarlamasy», «Báıterek Development» AQ arqyly jalǵa beriletin turǵyn úı, «Turǵynúıqurylysjınaqbanki» AQ jáne «Samuryq-Qazyna» jyljymaıtyn múlik qory. Sonymen qatar Premer-Mınıstr «Bıznestiń jol kartasy-2020» baǵdarlamasynyń iske asyrylý barysy týraly esepti tyńdady, dep jazady pm.kz.