Premer-Mınıstr ınflıatsııany 2 esege azaıtýdy tapsyrdy
«Sáýir aıynan bastap «Investıtsııa ornyna tarıf» saıasatyn sapaly engizýdi qamtamasyz etý mańyzdy. Árbir mınıstr, óńir ákimderi jáne ulttyq holdıngter men kompanııalardyń basshylary azamattardyń tabysyn arttyryp, sapaly jumys oryndaryn qurý úshin júıeli sharalar qabyldaýy tıis», - dedi Álıhan Smaıylov Úkimettiń búgingi otyrysynda.
Úkimet basshysy qoǵamdy tolǵandyryp otyrǵan áleýmettik-ekonomıkalyq máseleler boıynsha tıimdi sheshimder tabý qajettigin aıtty.
«El ekonomıkasynyń turaqty jáne sapaly ósýin qamtamasyz etýge árbir óńirdiń qosatyn úlesi mańyzdy. Óńir ákimderi áleýmettik mańyzy bar azyq-túlik taýarlarynyń baǵasyn turaqtandyrýǵa erekshe nazar aýdarýy qajet. Aldymyzda turǵan basty mindet – jyl qorytyndysy boıynsha ınflıatsııany 2 esege – ıaǵnı, 9,5% deıin tómendetý. Bul úshin qajetti quraldardyń bári bar», - dedi Premer-Mınıstr.
Á. Smaıylov barlyq kúsh-jigerdi Inflıatsııa deńgeıin baqylaý jáne tómendetý jónindegi is-sharalar josparyn oryndaýǵa jumyldyrý keregin atap ótti.
«Qarjylyq tártipti kúsheıtý jáne memlekettik bıýdjet shyǵystarynyń tıimdiligin arttyrý mańyzdy. Biz ekonomıkanyń ósý qarqynyn saqtap qalý úshin bar kúshimizdi salýymyz kerek. Meniń orynbasarlarym jetekshilik etetin salalar boıynsha naqty úılestirý men baqylaýdy uıymdastyrýy qajet», - dedi ol.
Buǵan deıin QR Premer-Mınıstri ekonomıkanyń ósý qarqynyn saqtap qalý kerektigin aıtqan edi.
Foto: t.me/Kzgovernment