Premer-Mınıstr fermerlerge keńes berdi

NUR-SULTAN. QazAqparat – Qazaqstandyq fermerlerge ónim kóp beretin jáne eksportqa shyǵarylatyn daqyldardy egýge aıryqsha kóńil bólý kerek. QR Premer-Mınıstri Álıhan Smaıylov Úkimet otyrysynda osylaı dedi, dep habarlaıdy QazAqparat tilshisi.

«Tehnıkalardy jańartý úshin ınvestıtsııalyq, sondaı-aq kredıtter men lızıngterdiń paıyzdyq stavkasyn sýbsıdııalaý kólemi ulǵaıady. Fermerler aldymen suranysy joǵary dándi-daqyldardyń egistik alqaptaryn ulǵaıtýy tıis. Bul rette, ónimdi kóp beretin jáne eksportqa shyǵatyn daqyldardy egýge aıryqsha kóńil bólý kerek. Oǵan qol jetkizý úshin agrotehnologııalyq talaptardy qatań saqtaýdyń, tyńaıtqyshtardy ýaqytynda qoldanýdyń mańyzy óte zor», - dedi Úkimet basshysy.

Sondaı-aq, ol Aýyl sharýashylyǵy mınıstrligi men ákimder kóktemgi egis naýqanyn erekshe baqylaý úshin birqatar tapsyrmalar júktedi.