Premer-Mınıstr energetıka salasynda salynyp jatqan birqatar nysandardyń qurylysyn tezdetýdi tapsyrdy

A. Qańtardyń 15-i. QazAqparat /Ernur Aqanbaı/ - Premer-Mınıstr Kárim Másimov Energetıka jáne mıneraldyq resýrstar mınıstrligine energetıka salasynda salynyp jatqan birqatar nysandardyń qurylysyn tezdetýdi tapsyrdy. Ol bul tapsyrmany atalmysh mınıstrliktiń búgingi alqa májilisinde berdi,

dep habarlaıdy QazAqparat.

«Salynyp jatqan nysandardyń ishinde «Beıneý-Bozoı» gaz qubyrynyń jobasyna aıryqsha nazar aýdartqym keledi. Bul boıynsha barlyq qujattarǵa qol qoıyldy, prıntsıpti sheshimder qabyldandy. Sondyqtan da ilgeri jyljý qajet», dedi K. Másimov.

Osy oraıda Úkimet basshysy «atalmysh joba gaz eksporty boıynsha elimizdiń turaqtylyǵyn arttyratynyn» atap kórsetti.

Sonymen qatar, Premer-Mınıstr Atyraýdaǵy munaı-hımııa kesheniniń mańyzy zor ekenin atap kórsetti. «Bul másele sozylyp ketti, ony tezdetý qajet», dedi ol. Budan bólek Úkimet basshysy Aqtaýdaǵy bıtým zaýytynyń qurylysyn tezdetip aıaqtaý qajettigin aıtty. «Bul zaýyt bizge «Batys Qytaı-Batys Eýropa» avtomobıl jolyn salýda óz ónimimizdi paıdalaný úshin qajet», dedi ol.