Premer-Mınıstr elimizdegi ınternet sapasyn synǵa aldy
«Jalpy, ınternet qyzmetterdiń sapasyna qatysty suraqtar bar. Alystaǵy eldi mekenderdi aıtpaǵanda, bizdiń iri qalalarymyzda ınternet baılanystyń sapasy barlyq jerde birdeı jaqsy dep aıta almaımyz. Turǵyndardan kelip- túsip jatqan shaǵym kóp. Eger ınternet baılanys jaqsy bolmasa, tsıfrlyq platformalardyń jáne aqparattyq júıelerdiń paıdasy joq», - dedi Á. Smaılov.
Osy oraıda ol Tsıfrlyq damý mınıstrligine bul máseleni erekshe baqylaýda ustaýyn tapsyrdy.
«Sondaı-aq tsıfrlandyrý salasyndaǵy barlyq múddeli memlekettik organdardyń jáne uıymdardyń jumysyn úılestirýdi kúsheıtý qajet. Osyǵan baılanysty mynany atap ótkim keledi. Birinshiden, Tsıfrlyq damý mınıstrligi ortalyq memlekettik organdarmen jáne ákimdiktermen birlesip, aqparattyq júıelerdiń isten shyǵýyn azaıtatyn júıeli sharalar qabyldaýdy qamtamasyz etsin. Ekinshiden, Eńbek, Saýda jáne ıntegratsııa mınıstrlikteri bıyldyń sońyna deıin «Otbasynyń tsıfrlyq kartasy» jáne «Áleýmettik ámııan» jobalarynyń tıimdi jumysyn qamtamasyz etsin. Ekologııa mınıstrligi aqparattyq júıelerdiń ýaqtyly ıntegratsııalanýyn qamtamasyz etsin jáne 2023 jyldyń sońyna deıin «Kaznedra» platformasyn iske qossyn», - dep tapsyrdy Premer-Mınıstr.
«Ǵylym mınıstrligi múddeli organdarmen birlesip, eldiń ǵylymı-tehnıkalyq damýyna jeke ınvestıtsııalardy keńinen tartý úshin jańa ǵylymı-zertteý ortalyqtary men zerthanalar qurýdy basym ınvestıtsııalyq jobalar tizbesine engizý máselelerin pysyqtasyn. Bul máselerdi ózim baqylaıtyn bolamyn», - dedi Álıhan Smaıylov.
Foto:primeminister.kz