Premer-Mınıstr aımaqtyq IT-hab jumysymen tanysty
Aqtobe IT-Hub-tyń negizgi mıssııasy – ІT-startaptardy qoldaý, tsıfrlyq bilim berý jáne tehnologııalar transferti, zamanaýı tehnologııalar salasyndaǵy talanttardy izdeý jáne olardyń áleýetin ashý, jalpy aımaqtaǵy IT salasyn damytý.
Aqtobe IT Hub rezıdentteri jańa tsıfrlyq ónimder men qyzmetterdi, onyń ishinde qala men iri ónerkásiptik kompanııalardyń máselelerin sheshýge baǵyttalǵan ónimderdi jasaýmen aınalysady.
Jyl ishinde olar kem degende 150 ınkýbatsııalyq baǵdarlama men 75 startap jobany iske qosýdy kózdep otyr.
Álıhan Smaıylov tsıfrlyq tehnologııalar salasyn damytý úshin QR astanasynda salyqtyq preferentsııalardy qarastyratyn jáne barlyq ákimshilik rásimderdi jeńildetetin halyqaralyq IT-hab qurylǵanyn atap ótti.
«Qazir nátıjelerdi kórip otyrmyz. Ótken jyldyń qorytyndysy boıynsha IT ónimderi men qyzmetteri esebinen $300 mln-nan astam eksport bar. Bıyl ol $500 mln bolyp otyr. Eki-úsh jyldyń ishinde $1 mlrd dollarǵa jetedi dep kútilýde. Sondyqtan bul tájirıbeni taratý mańyzdy. Biz Qazaqstanda, onyń ishine Aqtóbeni qosqanda, osyndaı segiz ortalyq ashtyq. Bıyl jyldyń sońyna deıin taǵy altaýyn iske qosý josparlanyp otyr», - dedi ol.
Sondaı-aq Aqtobe IT-habynda Úkimet basshysy men óńirdiń shyǵarmashyl jastarynyń kezdesýi ótti. Onyń barysynda zııatkerlik menshik naryǵyndaǵy trendter, sondaı-aq jastar jobalaryn qoldaý sharalary talqylandy.
«Osy baǵyttardyń barlyǵy boıynsha daryndy jastarymyzdyń ár salada qabiletin damytýǵa kómektesý úshin memlekettik qoldaý sharalaryn kórsetemiz», - dedi Álıhan Smaıylov.