Premer-lıga: «Tobyl» «Astanadan» basym tústi

NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan chempıonatynyń tórtinshi týrynyń keıinge qalǵan oıynynda Qostanaıdyń «Tobyly» elordalyq «Astanamen» kezdesti, dep habarlaıdy QazAqparat tilshisi.

Búgingi kezdesý tartysty ótti. Qos komanda shabýylǵa kóbirek kóńil bóldi. Oıynnyń 31-mınýtynda qostanaılyq jartylaı qorǵaýshy Azat Nurǵalıev óziniń komandasyn alǵa shyǵardy.

Oıynnyń ekinshi kezeńinde elordalyq klýb tarazy basyn teńestirýge umtyldy. Soǵan qaramastan olar óz qaqpasyna gol jiberip aldy. Ony 57-mınýtta Serikjan Mýjıkov óziniń enshisine jazdy. Osylaısha «Tobyl» elordalyq klýbty 1:0 esebimen jeńdi.

Tórtinshi týrdaǵy Aqtaýdyń «Kaspııi» Almatynyń «Qaıratynan» 0:3, Taldyqorǵannyń «Jetisýy» Shymkenttiń «Ordabasysynan» 2:3 esebimen jeńilgen edi.

Al Jambyl oblysynyń «Taraz» jáne Petropavldyń «Qyzyljar» komandalary 0:0 esebimen teń tarqasty. «Qaısar» komandasy «Shahterdi» 1:0 esebimen jeńdi .