Premer-lıga oıyndary: «Astana» «Shahterdi» jeńdi

ASTANA. QazAqparat – Búgin fýtboldan Premer-lıga komandalary arasyndaǵy el birinshiliginiń 1-týrynyń alǵashqy oıyn kúni aıaqtaldy, dep habarlaıdy QazAqparat tilshisi.

Bul kúnge belgilengen tórtinshi kezdesýde elordalyq «Astana» óz alańynda Qaraǵandynyń «Shahterin» qabyldady.

Alań ıeleri jyldam gol soǵýǵa tyrysqan edi. Nátıjesinde nebári 3-mınýtta «Astana» oıynshysy Vladıslav Prokopenko óz komandasyn alǵa shyǵardy. Al 21-mınýtta Dembo Darbo esepti ústemeleı tústi.

«Shahter» sapynan 21-mınýtta Shyńǵys Flıýk alań ıeleriniń qateligin sheber paıdalanyp, mergendik tanytty.

Osylaısha elordalyq klýb qarsylasyn 2:1 esebimen jeńdi.

Aıta ketsek, búgin sondaı-aq «Ordabasy» óz alańynda «Kaspııden», «Tobyl» «Aqsýdan» basym tússe, «Aqtóbe» syrt alańda «Jetisýdy» súrindirdi.

Erteń, 5 naýryzda «Maqtaaral» (Túrkistan oblysy) men «Oqjetpes» (Kókshetaý), «Qaırat» (Almaty) pen «Atyraý», «Qaısar» (Qyzylorda) men «Qyzyljar» (Petropavl) sheberlik baıqasady.