Premer-lıga: «Ordabasy» syrt alańda «Shahterdi» iri eseppen jeńdi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 2-týryndaǵy eki oıynnyń nátıjesi belgili boldy, dep habarlaıdy QazAqparat tilshisi.

Elordalyq «Astana» syrt alańda Taldyqorǵannyń «Jetisýyn» 2:0 esebimen jeńdi.

Astanalyq klýbtan Dembo Darbo 68, Abzal Beısebekov 77-mınýttarda mergendik tanytty.

Osylaısha elordalyq komanda 2:0 esebimen jeńiske jetti.

Al shymkenttik «Ordabasy» qaraǵandylyq «Shahterdi» 4:1 esebimen súrindirdi.

Kezdesý barysynda shymkenttik klýbtan 3-mınýtta Ǵafýrjan Súıimbaev esep ashsa, odan keıin Ashat Taǵybergen 59, Kara Mbodj 67, Shahboz Ýmarov 80-mınýtta gol soqty.

Oǵan qaraǵandylyq klýbtan Aıdos Táttibaev 71-mınýtta bir golmen jaýap qaıyrdy.

Sondaı-aq, búgin «Aqtóbe» men «Oqjetpes» (Kókshetaý), «Aqsý» (Pavlodar oblysy) men «Qaırat» (Almaty) komandalary kezdesedi.

Al 10 naýryzda «Kaspıı» (Aqtaý) men «Tobyl» (Kostanaı), «Atyraý» men «Qaısar» (Qyzylorda), «Qyzyljar» (Petropavl) men «Maqtaral» (Túrkistan oblysy) komandalary kezdesedi.