Premer-lıga: Kósh sońyndaǵy «Aqsý» Atyraýdy» iri eseppen jeńdi

ASTANA. QazAqparat – Búgin fýtboldan premer-lıga komandalary arasyndaǵy el birinshiliginiń 20-týrynyń alǵashqy oıyn kúni aıaqtaldy, dep habarlaıdy QazAqparat tilshisi.

Bul týrdaǵy alǵashqy match Qaraǵandyda jergilikti «Shahter» men Kókshetaýdyń «Oqjetpesi» arasynda ótti.

Komandalar týrnır kestesinde qatarlas keledi. Jeńgeni kestedegi jaǵdaıyn jaqsarta túsetin edi. Oıyn barysynda qaraǵandylyq klýb sapynan Ivan Svırıdov – 66, Temýr Chogadze 92-mınýtta soqqan goldar alań ıelerine jeńis alyp keldi.

Osylaısha «Shahter» qarsylasyn 2:0 esebimen jeńip, tómengi topqa túsip qalý qaýpinen qashyqtaı tústi.

Al sońǵy oryndardyń birinde turǵan Aqtaýdyń «Kaspııi» óz alańynda Petropavldyń «Qyzyljaryna» 1:2 esebimen jol berdi.

Týrnır kestesinde sońǵy orynda turǵan Pavlodar oblysynyń «Aqsýy» óz alańynda «Atyraýdy» 4:1 esebimen súrindirdi.

Endi 20 tamyzda «Jetisý» men «Maqtaaral», «Astana» men «Qaısar», «Aqtóbe» men «Tobyl»,«Ordabasy» men «Qaırat» sheberlik baıqasady.