Premer abaılyq zııaly qaýymmen Shákárimniń mereıtoıyn uıymdastyrý máselesin talqylady
Úkimet basshysy «Jıdebaı-Bórili» aýmaǵynda «Uly aqyn Abaı uldarymen» eskertkishine gúl shoqtaryn qoıyp, sodan keıin murajaı-qoryqtyń ekspozıtsııasymen tanysty.
Jıdebaı qonysy – Abaı esimimen baılanysty qasıetti oryndardyń biri. Uly oıshyldyń ómiriniń sońǵy 10 jyly osynda ótken, ol munda 76 lırıkalyq óleń, 45 «qara sózdiń» 27-sin jazǵan, M. Lermontov pen I. Krylovtyń ádebı shyǵarmalaryn aýdarǵan. Óz kezeginde Bórili – uly jazýshy ári ǵalym Muhtar Áýezovtiń balalyq jáne jastyq shaǵynyń altyn besigi. Qazirgi ýaqytta «Jıdebaı-Bórili» murajaı-qoryǵynyń qorynda shamamen 21 600 jádiger bar, al ǵylymı kitaphanada 14 500-den astam kitap saqtalǵan.
Premer-Mınıstrdiń oblys zııalylarymen kezdesýi barysynda jańa bilim berý mekemelerin salý jáne jumys istep turǵan bilim oshaqtaryn damytý, mádenıet jáne óner salasyndaǵy jobalardy júzege asyrý, Shákárim Qudaıberdiulynyń 165 jyldyǵyna oraı is-sharalar ótkizý máseleleri talqylandy.
Suraqtardyń birine jaýap bergen Álıhan Smaıylov Abaı oblysynda 300-ge jýyq mádenıet jáne óner oshaǵy bar ekenin, onda 2 myńnan astam adam jumys isteıtin atap ótti. Buǵan murajaılar, muraǵattar, kitaphanalar, fılarmonııalar, mádenıet úıleri jáne t. b. kiredi.
«Úkimet mádenıetti damytýǵa úles qosyp júrgen qyzmetkerlerdiń áleýmettik jaǵdaıyn jaqsartý jóninde sharalar qabyldaýda. Ótken jyldan bastap respýblıkada mádenıet qyzmetkerleriniń jalaqysyn kezeń-kezeńimen kóterý bastaldy. 2025 jylǵa qaraı jalaqy eki esege artýy tıis», — dedi ol.
Sonymen qatar Premer-Mınıstr aldaǵy ýaqytta mektepter salýdy jalǵastyrý, stýdentterge arnalǵan bilim berý granttarynyń sanyn arttyrý, oblystyń joǵary oqý oryndaryn damytý jáne olarda jańa jataqhanalar ashý josparlaryn belgiledi. Ol bul qadamdar óńirdiń mádenı áleýetin kóterýge eleýli úles qosatynyn atap ótti.
Premer-Mınıstr jumys sapary aıasynda oblys turǵyndaryna mamandandyrylǵan onkologııalyq kómek kórsetetin ıAdrolyq medıtsına jáne onkologııa ortalyǵynyń jumysymen tanysty. Medıtsınalyq mekemede ártúrli beıindegi táýlik boıy jumys isteıtin statsıonardyń 165 tósek-orny ornalastyrylǵan, munda sáýlelik, klınıkalyq jáne radıonýklıdtik dıagnostıka bólimsheleri, endoskopııa bólimshesi jáne t. b. jumys isteıdi.
«Elimizdegi jalǵyz radıonýklıdti terapııa bólim osy ortalyqta ornalasqan. Aýrýlardy dıagnostıkalaýdyń materıaldyq-tehnıkalyq bazasy jaqsardy. Onyń ishinde qaterli isik aýrýyn erte anyqtaý men jedel hırýrgııalyq emdeý de bar. Ortalyqqa joǵary bilikti qyzmet kórsetetin zamanaýı hırýrgııalyq korpýs qajet. Densaýlyq saqtaý mınıstrligi osy máseleni pysyqtaýy tıis», — dedi Álıhan Smaıylov.
Sonymen qatar Úkimet basshysy Oblysty damytýdyń keshendi josparynda 400 oryndyq kópbeıindi aýrýhana, 300 oryndyq balalar aýrýhanasy, oblystyq qan ortalyǵy men Semeı qalasynda eki emhana, sondaı-aq óńirdiń aýyldyq jerlerinde 65 jańa alǵashqy medıtsınalyq-sanıtarlyq kómek kórsetý nysanyn salý kózdelip otyrǵanyn aıtty.
Budan keıin Úkimet basshysy bıýdjet esebinen salynyp, jyl basynda paıdalanýǵa berilgen 150 oryndyq múgedekterge arnalǵan oblystyq jańa abılıtatsııa jáne ońaltý ortalyǵynda boldy. Onda birneshe júzý basseıni, zamanaýı sport zaly, emdik vanna, eńbek terapııa kabınetteri, arnaıy mamandandyrylǵan synyptar, kitaphana, demalys bólmeleri jáne t. b. bar.
Ortalyqta balalar men eresekterge jartylaı statsıonarlyq jaǵdaıda keshendi medıtsınalyq-áleýmettik, psıhologııalyq-pedagogıkalyq ońaltý júrgiziledi. Syrttan em alýǵa kelgenderge 1 aıdan 6 aıǵa deıin ýaqytsha turý múmkindigi bar.
Álıhan Smaıylov Memleket basshysynyń tapsyrmasymen 2025 jylǵa qaraı elimizdiń 12 oblysynda árqaısysy 150 oryndyq jańa ońaltý ortalyqtaryn salý josparlanǵanyn atap ótti. Bul ońaltý kezeńinde múgedek azamattardyń ortalyqta táýlik boıy qalýyna múmkindik beredi.
«Bul ortalyqtardyń ashylýy arqyly oblys turǵyndaryna, onyń ishinde shalǵaı eldi mekenderdegi halyqqa arnaıy mamandandyrylǵan áleýmettik qyzmetter qoljetimdi bolmaq», — dedi ol.