Praımerızge qatysýshy: Halyqtyń osal tobyna áleýmettik kómek qashan da qajet
Nurymbek Taý 15 jyldan beri kásipkerlikpen aınalysady. Ol 1997 jyly Almatyǵa Mońǵolııadan kóship kelgen.
«Men pandemııaǵa baılanysty «Nur Otan «partııasynyń praımerızine qatysýǵa sheshim qabyldadym. Qazir Siz álemdegi jáne eldegi jaǵdaıdy kórip otyrsyz. Adamdar kómekke muqtaj. Men ózim kásipkerlikpen 15 jyldan beri aınalysyp kelemin. Nan satyp ala almaıtyn adamdar da bar eken. Karantın kezinde men muqtaj jandarǵa kómektestim. Sol kezde bárin óz kózimmen kórdim. Sondyqtan, biz turmysy tómen otbasylarǵa kómektesip jáne olar týraly aıtýymyz qajet. Praımerız – jaqsy múmkindik dep oılaımyn. Munda Siz óz pikirińizdi aıtyp, baǵdarlamańyzdy usyna alasyz», - deıdi ol.
Onyń aıtýynsha, halyqtyń áleýmettik osal toptaryna, kópbalaly jáne jalǵyzbasty analarǵa kómek qajet. Ol sonymen qatar óziniń baǵdarlamasynda bilim, medıtsına sııaqty áleýmettik máselelerdi de kótermek.
«Meniń jumys ornym Alataý aýdanynda ornalasqan. Aýdanda kómekke muqtaj kópbalaly otbasylar, jalǵyzbasty analar kóp. Sonymen qatar, aýdanda sport sektsııalaryn, jastar ortalyqtaryn, balalar oıyn alańdaryn damytý qajet. Halyq kóp shoǵyrlanǵandyqtan, aýrýhana salý kerek. Aýdanda bes emhana bar. Bul – jetkiliksiz. Men medıtsına máselesin jıi kóteremin. Statsıonarlarda tósek-oryn jetkiliksiz. Buǵan ózim maýsym aıynyń ortasynda koronavırýspen aýyrǵan kezde kóz jetkizdim. Aldaǵy tórt jylda memlekettik baǵdarlamaǵa sáıkes elde 20 aýrýhana salý josparlanyp otyr, men onyń bireýi bizdiń Alataý aýdanynda salynǵanyn qalar edim», - dep qosty N.Taý.
Aıta keteıik, praımerızge úmitker karantın kezinde 500-den astam muqtaj otbasyna kómek kórsetken.
Foto: instagram.com/nurym_tau