Praımerızdiń taǵy bir qatysýshysy saılaýdan shettetildi
«Jeli jáne áleýmettik jelilerde Nur-Sultan qalasy, Saryarqa aýdanynan túsip jatqan úmitker Erǵalıev Talǵat Faızollaulynyń paıdasyna daýystardyń burmalanǵany týraly aqparattar túsýine oraı Partııalyq baqylaý komıteti bastamashy bolyp, atalǵan derekke baılanysty arnaıy tekserý júrgizdi.Tekserý barysynda partııa músheleri úshin úshinshi tulǵalardyń, partııa múshesi emes adamdardyń daýys bergeni málim boldy. Budan bólek, «Qazaqstan qurylysshylar odaǵy» BPU jekelegen daýys berýshileri basqa óńirlerde turatyn jáne jumys isteıtin bolyp shyqty, olardyń atalǵan bastaýysh partııa uıymyna esh qatysy joq. BPU músheleri atyna tirkelgen uıaly telefon nómirleriniń shyn mánisinde basqa adamdardiki bolyp shyqqan deregi de anyqtaldy«, delingen «Nur Otan» partııasynyń resmı saıtynda jarııalanǵan aqparatta.
«Qazaqstan qurylysshylar odaǵy» BPU daýys berýdi uıymdastyrý men ótkizý kezinde «Nur Otan» partııasynyń Jarǵysy, «Nur Otan» partııasynyń praımerızdi ótkizý erejesin buzýǵa jol bergenin eskerip, Partııalyq baqylaý komıtetiniń usynysy boıynsha partııanyń Nur-Sultan qalalyq fılıalynyń uıymdastyrý komıteti Erǵalıev Talǵat Faızollaulyn praımerızge úmitker retinde qatystyrmaý týraly sheshim qabyldady.
Jalpy, partııaishilik saılaýdy ashyq, taza jáne ádil ótkizýdi qamtamasyz etý aıasynda Partııalyq baqylaý komıteti 30 tártip buzýshylyqty anyqtap, oǵan baılanysty tıisti sharalar qoldandy, bes úmitker saılaýdan shettetildi, 15 partııa múshesi partııalyq jaýapqa tartyldy.
Praımerızdi ótkizýdegi barlyq tártip buzýshylyqtarǵa qatysty 8 (800) 080 4441 (qońyraý shalý tegin) jedel jelisine qońyraý shalýǵa nemese komek@nurotan.kz. elektrondyq poshtasyna habarlasýǵa bolady. Túsken habarlardyń bárin de Partııalyq baqylaý komıteti egjeı-tegjeıli tekseredi. Jazyqtylarǵa partııa qatarynan shyǵaryp jiberýge deıin qatań sharalar qoldanylady.