Praımerız jańa esimderdiń tanylýyna múmkindik berdi – Paralımpıada chempıony

TARAZ. QazAqparat –Jambyldyq belgili sportshy Rıo-de-Janeıro Paralımpıadasynyń jeńimpazy Zúlfııa Ǵabıdýllına «Nur Otan» praımerızinde óz tańdaýyn onlaın túrde jasady, dep habarlaıdy QazAqparat tilshisi.

Zúlfııa Ǵabıdýllına «Nur Otan» partııasy Saıası keńesiniń múshesi. Búgin ol óz úıinde kompıýter arqyly «Primaries.kz» aqparattyq júıesine kirip, daýys berdi.

«Nur Otan» partııasynyń praımerızi jańa múmkindikterge jol ashty. Bul baǵytta aýqymdy jumystar atqaryldy. Men áleýmettik jeli arqyly úmitkerlerdiń saılaýaldy baǵdarlamalarymen jan-jaqty tanystym. Olardyń ishinde ózim burynnan biletin azamattar da az emes. Sonymen qatar ishkipartııalyq irikteý jańa esimderdiń tanylýyna múmkindik jasady dep oılaımyn. Qanshama jastyń talaby men talpynysyna qarap súısindim. Óz basym osyndaı laıyqty tulǵalardy qoldaý kerek dep esepteımin», - deıdi ol.

Sportshy karantın ýaqytynda adamdardyń ómiri men qaýipsizdigi óte mańyzdy ekenin eskerip, praımerızde saqtyq sharalaryn esten shyǵarmaý kerektigin basa aıtty. Sondaı-aq, ol onlaın daýys berýdiń tıimdiligine toqtalyp, barsha úmitkerlerge sáttilik tiledi.