Praımerız: Túrkistan oblysynda eki kúnde 47 debat ótkizildi
Atalǵan debattar partııa fılıaldarynyń resmı akaýnttarynda tikeleı efırde kórsetilýde. Óńirde erekshe uıymdastyrylǵan pikirsaıystyń biri retinde Qoja Ahmet ıAsaýı kesenesiniń mańyndaǵy 1000 oryndyq amıfıteatrda ótkizilgen is-sharany aıtýǵa bolady. Praımerız erejesine sáıkes Túrkistan oblysynda 17-28 tamyz aralyǵynda kandıdattardy tirkeý jumystary júrgizilgen bolatyn. Bul aralyqta barlyq aýdan, qalalarda praımerızge 1144 kandıdat tirkelgen. «Nur Otan» partııasy Túrkistan oblystyq fılaly tarapynan daýys berýge jáne debattardy ótkizýge arnalǵan 209 oryn belgilegen bolatyn. Onyń 128-i mádenıet úıleri men aýyldyq klýbtar bolsa, 58-i meıramhanalar men jeke kásipkerlik nysandary, 23-i jeke úıler men sport ǵımarattary sanalady. Aldaǵy 1-3 qazan aralyǵyndaǵy úmitkerlerge daýys berýge «Nur Otan» partııasynyń Túrkistan oblystyq fılalynyń 80 myńnan astam múshesi qatysady dep josparlanýda. Olar 245 bastaýysh partııa uıymyna bekitilgen.