Praımerız: Túrkistan oblysynda 209 daýys berý orny ashyldy

TÚRKІSTAN. QazAqparat- Túrkistan oblysynda «Nur Otan» partııasy praımerızi daýys berý kezeńiniń úshinshi kúni ótip jatyr. Búgin tańǵy 8.00-den bastap óńirdiń 16 aýdan, qalasynda 209 arnaıy daýys berý oryndary jumysyn bastady, dep habarlaıdy QazAqparat tilshisi.

Atalǵan oryndardyń 170-inde onlaın rejımde, al 39 orynda qaǵaz bıýlleten arqyly daýys berilmek. Onlaın daýys berilgen 2 kúnniń ishinde Túrkistan oblysy boıynsha jalpy 78262 partııa múshesiniń 58211-i óz tańdaýlaryn jasap úlgerdi. Qazirgi tańda arnaıy ázirlengen 209 orynda daýys berý jalǵasýda.

Túrkistan jurtshylyǵy tańǵy 8.00-den bastap ýchaskelerge kelip, belsendiligin tanytyp jatyr. Olardyń arasynda san túrli salanyń ókilderi bar. Daýys berýge qatysatyn 78262 partııa múshesiniń 68183-i (87,1%) onlaın, 10079-y (12,3%) qaǵaz bıýlletenmen daýys beredi. Onlaın daýys berý oryndary 600-ge jýyq kompıýtermen qamtamasyz etilgen. Jalpy óńirde praımerızge degen qyzyǵýshylyq óte joǵary ekeni baıqalǵan. Daýys berý oryndarynda karantın talaptary saqtalǵan. Uıymdastyrý jáne sanaq komıtetteri óz jumystaryn júrgizýde.