Praımerız: Óskemende daýys berý belsendi júrýde
12:57, 02 Qazan 2020
ÓSKEMEN. QazAqparat – Óskemen qalasynda jurtshylyq praımerızge onlaın rejımde belsendi túrde daýys berýde, dep habarlaıdy QazAqparat tilshisi.
2 qazanda saǵat 10.00-degi jaǵdaı boıynsha Óskemende saılaýshylardyń 69 paıyzy daýys bergen. Bul praımerız júıesine tirkelgen 6918 partııa músheleriniń 4748-i.
«Óskemende 82 qatysýshy bar. Daýys berý belsendi túrde júrgizilýde. Úmitkerler belgilengen erejeler boıynsha úgit-nasıhat jumystaryn jalǵastyrýda. Qatysýshylar halyqtyń barlyq toptarynyń ókilderi: jastar, múgedekter, muǵalimder, dárigerler, kópbalaly analar jáne taǵy basqalar», - deıdi «Nur Otan» partııasy qalalyq fılıaly tóraǵasynyń birinshi orynbasary Erlan Jaqypov.
Onyń aıtýynsha, 82 qatysýshynyń tek 8-i ǵana depýtat, qalǵandary buryn saılanbaǵandar.