Praımerız: Onlaın daýys berýde Almaty oblysy kósh bastady

TALDYQORǴAN. QazAqparat - Praımerızde onlaın daýys berýde Jetisý óńiri kósh bastady, - dep habarlaıdy QazAqparat tilshisi.

Elimizde praımerız kandıdattaryna daýys berý bastaldy. Málimetke júginsek, respýblıka boıynsha 1-qazandaǵy aqparatqa sáıkes 16:20-ke deıin daýys bergender jóninen Almaty oblysy kósh bastap tur. Jetisý óńirinen 12 863 «Nur Otan» partııasynyń múshesi daýys bergen. Ekinshi orynda Shyǵys Qazaqstan oblysy, Túrkistan oblysy úzdik úshtikti túıindegen. El boıynsha daýys bergenderdiń sany 28 533 adam.

Esterińizge sala keteıik, Almaty oblysynda jalpy 81 840 partııa múshesi bar. Olar 1047 kandıdatqa daýys bermek. Daýys berý 1-3 qazan aralyǵyn qamtıdy jáne onlaın rejımde júrgiziledi. Onlaın daýys berýge múmkindigi joq partııa músheleri 3 qazanda saǵat 8.00-den 14.00-ge deıin dástúrli daýys berýge qatysady.