Praımerız: Qostanaı oblysynda 20 myńǵa jýyq partııa múshesi tańdaý jasady

QOSTANAI. QazAqparat – Qostanaı oblysynyń Nur Otan partııasy músheleri praımerızde onlaın rejımde belsendi túrde daýys berip jatyr, dep habarlaıdy QazAqparat tilshisi.

Nur Otan partııasy oblystyq fılıalynyń baspasóz hatshysy Ásel Ahannyń aıtýynsha, búgingi málimet boıynsha oblysta 19 276 adam óz tańdaýyn jasaǵan jasaǵan.

Jalpy, praımerızge Qostanaıdyń barlyq aýdan-qalalarynan 800 adam qatysyp jatyr. Onyń ishinde bastaýysh partııa uıymdarynan – 222 (19,2%), ózin-ózi usynǵandar – 578, áıelder – 349, jastar – 243 qatysýshy.

«Oblys boıynsha bir orynǵa orta eseppen 3 adamnan tirkelgen.

Negizi óńirde oblystyq jáne jergilikti máslıhattarda 246 oryn bar. 1-3 qazan aralyǵynda ótetin daýys berýge 45 180 partııa múshesi qatysady dep josparlanǵan. Olar 261 bastaýysh partııa uıymdaryna bekitilgen. Oblystyń aýdan, qalalarynda 156 daýys berý orny belgilendi. Onyń ishinde 109 orynda daýys onlaın formatta, 47 orynda dástúrli qaǵaz bıýlletenimen beriledi», - deıdi ol.

Sonymen, Qostanaı oblysynda praımerızdiń qorytyndy kezeńinde qarqyndy jumys júrgizilýde. Daýys berý 3 qazan saǵat 14-00 de toqtatylady.