Praımerız formaty jańashyl azamattardy irikteıdi - Ermek Marjyqpaev
«Qurmetti partııalastar! Qadirmendi aqmolalyqtar!
Elimizdegi kóshbasshy - «Nur Otan» partııasy osydan birshama ýaqyt buryn partııaishilik saılaý – praımerız ótkizý týraly jarııalaǵan edi.
Praımerız týraly Elbasy, «Nur Otan» partııasynyń tóraǵasy N.Nazarbaev ústimizdegi jyly naýryz aıynda ótken partııanyń Saıası keńesi bıýrosynyń otyrysynda «Bul partııa atynan máselelerdi sheshetin eń belsendi jáne senimdi múshelerdi anyqtaýǵa múmkindik beretin durys sheshim dep sanaımyn» dedi.
Osylaısha, halyqaralyq tájirbıede moıyndalǵan partııaishilik irikteý tásilin elimizde alǵashqylardyń biri bolyp «Nur Otan» partııasy qoldanysqa engizdi. ıAǵnı, partııa aldaǵy saılaýlarǵa usynylatyn adal, isker, el senetin tulǵalardy iriktep almaq. Partııany jańǵyrtý baǵdarlamasynda kórsetilgen praımerız arqyly ashyqtyq pen jarııalylyqqa baǵyt alǵan elimizdiń saıası tarıhynda məslıhat pen Məjiliske depýtattyqqa úmitkerlerdi irikteý tuńǵysh ret praımerız tásili arqyly ótpek. Praımerız formaty jańashyl azamattardy irikteıdi. Osylaısha, saılaýshylardyń múddelerin bildire alatyn, belsendi azamattar odan ári partııalyq tizimderge engizý úshin irikteledi.
Búginde «Nur Otan» partııasynyń Aqmola oblysynda 276 bastaýysh partııa uıymyna birikken 39 994 partııa múshesi bar. 248 daýys berý orny men debat ótkizetin 201 oryn jasaqtaldy», - dep jazdy ákim áleýmettik jelidegi paraqshasynda.
Sonymen qatar, ol eldegi karantın jaǵdaıyna baılanysty partııaishilik saılaý «onlaın» formatynda ótetin atap ótti. Úmitkerlerge daýys berý partııa músheleri arasynda júrgiziledi.
«Pandemııaǵa baılanysty praımerız ótkizý erejesine ózgerister engizilip, daýys berý onlaın-formatta ótkiziletin boldy. Bul azamattar densaýlyǵynyń qaýipsizdigi jáne ashyqtyq pen qoljetimdilikti arttyrý úshin jasalǵan naqty qadam dep qabyldaýymyz qajet. Óńirdegi ınterneti baıaý 7 shalǵaı eldimekende 338 adam dástúrli formatta bıýlleten arqyly daýys beredi. Mundaı eldimekenderde bastaýysh partııa uıymdarynyń bazasynda dástúrli túrde daýys berý júrgiziledi. Barlyq daýys berý barysynan foto-beınejazba júrgizýdi josparlap otyrmyz. Sondyqtan, praımerız barynsha ádil, ári ashyq ótetindigine senim mol. Negizinen praımerızdiń ótkizilýin baqylaýdy partııalyq baqylaý komıteti, óńirlik jáne aýmaqtyq partııalyq baqylaý komıssııalary júzege asyrady. Sondaı-aq, úmitkerlerdiń partııa múshesi bolyp tabylatyn senimdi ókilderi de daýys berý protsesine baıqaýshy retinde qatysa alady», - dep tolyqtyrdy ol.
Aıta keteıik, praımerız elim úshin qyzmet etemin degen azamattardyń ashyq báseke arqyly ózin jan-jaqty kórsetip, muratyna jetkizetin taptyrmas múmkindik. Sonymen qatar, barlyq deńgeıdegi máslıhattardy jasaqtaý kezinde olardyń quramyna kem degende 30 paıyz áıelder jáne 29 jasqa deıingi jastar qatysady dep boljanýda. Bastapqy nátıjeler boıynsha «Nur Otan» partııasy Tóraǵasynyń tapsyrmasy boıynsha ár máslıhat pen Májilis úshin partııalyq tizimder qurylady, olardyń quramyna áıelderdiń 30 paıyzy jáne 35 jasqa deıingi jastardyń 20 paıyzy qatysady.