Praımerız: Almatyda tórt myńnan astam partııa múshesi daýys berdi

ALMATY. QazAqparat – Túske deıin «Nur Otan» partııasy Almaty qalalyq fılıalynyń 4 myńnan astam múshesi daýys berdi, dep habarlaıdy QazAqparat tilshisi.

Nur Otan partııasynyń baspasóz qyzmetiniń málimetinshe, Almatynyń 8 aýdanynda nurotandyqtardyń daýys berýi belsendi ótip jatyr, olardyń basym bóligi Bostandyq aýdanynda turady, al praımerızge qatysýshylardyń kóbi – 45 kandıdat Medeý aýdanynda tirkelgen.

«Jalpy, Almatyda partııanyń 58 721 múshesi bar, onyń ishinde aqparattyq júıede 52 929 adam avtorızatsııalandy. Bul jalpy sanynyń 90%-yn quraıdy. Elektrondy daýys berý 3 qazanǵa deıin jalǵasady. Siz primaries.kz saıtynda, mobıldi qosymsha jáne daýys berý ýchaskelerindegi onlaın-kabınetter arqyly tańdaǵan kandıdatqa daýys bere alasyz. Daýys berýdiń sońǵy kúni bastaýysh partııa uıymdarynyń bazasynda saılaý ýchaskeleri ashylady. Almatyda olardyń sany 37»,– dep habarlady «Nur Otan» partııasy Almaty qalalyq fılıalynyń baspasóz qyzmeti.

Ýchaskelerdiń ornalasqan jeri týraly aqparatty «Nur Otan» partııasy Almaty qalalyq fılıalynyń resmı akkaýntynan bilýge bolady.