Praktıkalyq jýrnalıstıka boıynsha beınekýrs shyǵarylady
Bul Memorandýmnyń aıasynda osy jyly ashylǵan «Jýrnalıstıka: analıtıka jáne tergeý» atty jańa biregeı mamandyǵynyń stýdentterde praktıkalyq jýrnalıstıkany oqýǵa múmkindikteri bar. Agenttik shyǵarmashylyq emtıhandar nátıjeleri boıynsha eń joǵary ball jınaǵan eki talapker úshin tegin oqýǵa granttar bóldi.
Qazirgi ýaqytta uıymdar «Jańalyqtar jýrnalıstıkasy» jáne «Tergeý jýrnalıstıkasy» pánderin asınhrondy oqytýǵa arnalǵan kýrstardy qurý boıynsha jalpy joba aıasynda jumys isteýde. Aldaǵy ýaqytta ázirlengen kontentti tek KAZGıÝÝ stýdentteri ǵana emes, basqa da oqý oryndarynyń stýdentteri de paıdalana alatyn bolady.
«Qazir biz bir ornynda turmaıtyn ýaqytta ómir súremiz. Jańa mamandyqtardyń paıda bolýy jaıdan jaı bolyp turǵan joq. Jas maman teorııany praktıkada qoldanǵansha, alǵan bilimi eskirip úlgeredi. Naǵyz bilimdi tek jumys jasap júrip qana alasyń. Jýrfaktyń túlekteri birden kásibı ortaǵa ený múmkindigine ıe bolýy úshin biz eksperıment júrgizýdi uıǵardyq jáne ol jaqsy nátıje beredi dep úmittenemin», - dedi «Habar» Agenttiginiń tóraǵasy Erlan Bekhojın.
Bul jumysqa «Habar 24» telearnasynyń jáne «Habar» telearnasynyń «Jýrnalıstik tergeý bóliminiń» qyzmetkerleri tartylǵan. Olar: rejısserler, stsenarıster, redaktorlar, prodıýserler.
- «Habar» agenttigimen memorandýmǵa qol qoıý bizdiń ýnıversıtet úshin jáne otandyq jýrnalıstıka úshin mańyzdy oqıǵa bolyp tabylady dep úmittenemiz. KAZGıÝÝ Qazaqstannyń basqa joǵary oqý oryndary arasynda kósh bastap tur, biz jýrnalıstıka baǵyty boıynsha stýdentterdi oqytýdy da osyndaı deńgeıge jetkizýdi josparlap otyrmyz, - dep KAZGıÝÝ Ýnıversıtetiniń provosty Sergeı Pen atap ótti.
Kezdesýde taraptar buqaralyq aqparat quraldary salasyndaǵy mamandardyń jetispeýshiligi, jarııalanǵan materıaldardaǵy faktologııalyq taldaýdyń jetispeýshiligi men ádeptiliktiń deńgeıi, sondaı-aq jańa ozyq jobalarmen jumys josparlaryn talqylady.