Pragaǵa qazaqstandyq balalardy saparlatqan mektep qyzmetkerleri jazalandy
Bul demalysty uıymdastyrǵan mektep ókilderine balalardyń ata-analary shaǵymdanǵan, dep habarlaıdy QazAqparat.
Osy máseleni áleýmettik jelide jazǵan Marjan Baıbolava esimdi azamatshanyń sózine qaraǵanda, balalar ornalastyrylǵan jerlerde jaǵdaı budan buryn fotosýretterde kórsetilgen nysandarǵa múldem uqsamaǵan, sonymen qatar oqýshylardy qadaǵalaý sharalary tıisti deńgeıde bolmaǵan kórinedi. Sonymen qatar qazaqstandyq oqýshylar tildi meńgerý boıynsha sabaqtardan qalyp júrgen.
Budan bólek, ata-analar shetelge barǵan balalaryn tamaqtandyrý deńgeıine kóńilderi tolmaǵanyn atap ótken.
«Endi sol jerde oryn alǵan eń soraqy jaǵdaıǵa toqtalatyn bolsaq, balalarymyzdan aqsha men qundy zattardy bopsalaǵan, sondaı-aq soqqyǵa jyǵamyz dep qorqytqan»,-dep jazdy M. Baıbolava.
Ata analardyń aıtýynsha, balalardy bopsalaǵandar beıtanys adam bolyp otyr. Alaıda bul oqıǵany Unischool ákimshiligi polıtsııaǵa habarlamaı, ony ózderi retteıtindikterin málimdegen.
«Atalǵan mektepke ótinim jiberip, oqý ornynda qyzmettik tekseris júrgizildi. Osy saparǵa jetekshilik etken adamdar jazaǵa tartyldy. Sonymen birge bul sharalalar jetkiliksiz, óıtkeni jazamen problema sheshilmeıdi. Sondyqtan bul másele egjeı-tegjeıli qadaǵalaýda bolady. Atalǵan mekteptiń aqparaty boıynsha bul málimetter Іshki ister mınıstrligine baǵyttaldy jáne qazirgi kezde tergeý amaldaryn bastaý jaǵdaıy qaralýda. Eger de qaýipsizdik pen densaýlyqqa qaterdiń táýekelderi bolsa, onda bul másele mekteptiń emes, arnaıy quqyq qorǵaý organdarynyń quzyretinde»,-dedi «QazAqparat» tilshisine QR Bilim jáne ǵylym mınıstrliginiń jaýapty hatshysy Aryn Órsarıev.
Munymen qosa ol tildik lagerler men basqa da saparlarmen oqýshylardy shetelge aparatyn kezde ata-analardy erekshe saq bolýǵa shaqyrdy.