Pragada Qazaqstan halqy Assambeıasynyń jetistigine arnalǵan dóńgelek ústel ótti

PRAGA. QazAqparat - Búgin Qazaqstan Táýelsizdiginiń 30 jyldyǵyn merekeleý aıasynda Chehııadaǵy QR Elshiligi Ulttyq akademııalyq kitaphanamen (Nur-Sultan) birlesip, onlaın formatta memlekettik organdardyń, ǵylymı-saraptamalyq toptar, BAQ ókilderiniń qatysýymen «Qazaqstan halqy Assambleıasy, turaqtylyq pen órkendeý faktory retinde» taqyrybynda dóńgelek ústel uıymdastyrdy. Bul týraly QazAqparat Qazaqstan Respýblıkasynyń Chehııadaǵy Elshiligine silteme jasap habarlaıdy

Dıplomattar óz sózderinde Qazaqstan halqy Assambleıasynyń Qazaqstanda turatyn barlyq etnostardy biriktiretin biregeı ınstıtýt ekendigin jáne búgingi kúni elimizde azamattarǵa óz mádenıetin, dástúrleri men ádet-ǵuryptaryn saqtaý úshin barlyq jaǵdaılar men teń múmkindikter jasalǵandyǵyn atap ótti. Sondaı-aq Assambleıanyń halyqaralyq qoǵamdastyqqa úlken yqpal etetindigin, barlyq etnos ókilderiniń aýqymdy jumysy beıbitshilik, tynyshtyq pen turaqtylyqqa baǵyttalǵandyǵyn aıtty.

Óz kezeginde professor, «Prajskıe novostı» medıa kompanııasynyń bas dırektory Ales Flıtcher: «Táýelsizdik jyldary ishinde Qazaqstan ekonomıka salasynda aýqymdy nátıjelerge qol jetkizdi. Árıne, kóptegen elderde ókinishke oraı jetispeıtin turaqtylyq pen tynyshtyq, beıbitshilik pen ultaralyq kelisim qýatty jáne órkendegen memleket qurýdyń myzǵymas negizi bolyp tabylady. Chehııa halqy bul elmen tikeleı tanys, biz kópultty qazaq halqyna odan ári órkendeýdi shyn júrekten tileımiz», - dedi.

Chehııalyq basylymdardyń bas redaktorlary S.Plesnık pen R.ıAnýsh óz baıandamalarynda: «Qazaqstan halqy Assambleıasynyń jumysynyń arqasynda elde etnosaralyq jáne konfessııaaralyq kelisimniń biregeı modeli qalyptasqandyǵyna basa toqtaldy.Olar «kez kelgen azamat eldiń etnıkalyq nemese dinı túrine qaramastan, azamattyq quqyqtar men bostandyqtardyń ıegeri jáne olardy tolyq paıdalanǵan bolsa, bul demokratııalyq júıeniń mańyzdy elementi bolyp tabylatyndyǵyn» atap ótti.

Sondaı-aq, dóńgelek ústelge qatysýshylar Qazaqstan memlekettiliginiń qalyptasý tarıhy, Qazaqstan men Chehııa halyqtary arasyndaǵy dostyq qatynastardyń damýy, ekonomıkanyń jekelegen salalarynyń qalyptasýy týraly óz pikirlerin bólisti. Іs-shara barysynda ekijaqty qatynastardy nyǵaıtý turǵysynan qazaqstan-cheh saýda-ekonomıkalyq jáne mádenı-gýmanıtarlyq yntymaqtastyqty damytý perspektıvalary jáne basqa da máseleler talqylandy.

Bas qosý sońynda Chehııanyń eńbek sińirgen ártisi Felıks Slovachek qonaqtarǵa arnap saksofonda qazaq shyǵarmalaryn oryndady. Konferentsııaǵa qatysýshylar Qazaqstan halqyn Táýelsizdiktiń 30 jyldyǵymen quttyqtap, elimizge órkendeý men sáttilik tiledi.