Poıyzy qaǵyp ketken boıjetkenge qatysty oqıǵanyń mán-jaıy belgili boldy
«2 qyrkúıekte tańǵy saǵat 07.28-de «Astana-Almaty-2» baǵytymen saǵatyna 70-75 km jyldamdyqpen kele jatqan 232-poıyzdyń mashınısi Otar-Almaty-1 ýchaskesi, Shamalǵan BP-4030 jyldamdyqpen ótý beketinen óterde jolda bóten adamdy kórip, shuǵyl tejegishti iske qosqan. Temirjoldan kesip ótip bara jatqan qyz poıyzdyń dabylyna mán bermegen. Toqtaı almaǵan poıyz onyń qaǵyp ketti. Qaza tapqan qyzdyń aty-jóni anyqtalǵan, oqıǵa týraly aqparat Shamalǵan beketindegi ІІJB-ge berildi», dep habarlaıdy baspasóz qyzmeti.
QTJ-Júk tasymaly» AQ baspasóz qyzmetinyń málimetinshe, qaıǵyly oqıǵaǵa tap bolǵan qyz qulaqqappen án tyńdap kele jatqandyqtan, mashınıst bergen shuǵyl sıgnaldy estimegen.
Temirjoldaǵy oqys oqıǵalary taldaý júrip kele jatqan poıyzdardyń adamdardy soǵyp ketýiniń basty sebepteriniń biri - temirjoldan ótý kezinde adamdardyń jeke jáne temirjol qaýipsizdigi erejelerin saqtamaýy ekenin kórsetedi.
Ádette adamdar temirjoldan ótkende belgilenbegen jerden ótkende, mas bolǵanda nemese telefonmen sóılesip ne án tyńdap kele jatqanda poıyzdyń sıgnalyn estimeı qalady.
Temirjolshylar únemi turǵyndar arasynda, mektepterde, oqý oryndarynda temirjoldy paıdalaný erejelerin túsindirip keledi.
Jańa oqý jylynyń bastalýyna oraı, temirjol qyzmetkerlerine respýblıkamyzdyń temirjolǵa jaqyn barlyq mektepteri men basqa da oqý oryndarynda osyndaı túsindirý jumystaryn júrgizý tapsyrylǵan. Sondaı-aq jelilik polıtsııa bólimderi jáne áskerılendirilgen temirjol bólimderiniń qyzmetkerleri birlesip temirjolǵa jaqyn mańdarda mal sharýashylyǵymen aınalysatyn turǵyndarǵa da túsindirý jumystaryn, tekserý reıdterin júrgizýde.