Poıyz jolserigi jolaýshy qaldyryp ketken 2 mln. teńgeni qaıtaryp berdi
«Astana-Aqtóbe» baǵytyndaǵy №87/88 júrdek poıyzy dittegen jerge jetkennen keıin №16 vagonnyń jolserigi Erjan Ardenov kýpeden matras astynan shamamen 2 mln. teńge, bank kartasy jáne basqa da zattar salynǵan barsetka taýyp alǵan. Osydan keıin poıyz bastyǵymen birge akti jasalyp, barsetka ishindegi zattarymen birge ıesine qaıtaryldy», - delingen «Jolaýshylar tasymaly» AQ baspasóz qyzmeti taratqan aqparatta.
Kompanııa aqparatyna qaraǵanda, ádette poıyz jolaýshylary aqshalary men qujattarynen bólek, uıaly telefon, noýtbýk, saǵat syndy baǵaly zattaryn da umyt qaldyrady. Máselen, osy jyldyń basynan beri óńirlik fılıaldardyń jolserikteri 18 azamattyń baǵaly zattary men qujattaryn qaıtaryp bergen.
«Jolaýshylardy, júk pen júk bagajdaryn tasymaldaý erejesine sáıkes poıyz brıgadasy jolaýshylardyń jeke múlikteriniń saqtalýy úshin jaýapty emes. Sondyqtan vagonnan shyǵar kezinde barynsha muqııat bolýdy ótinemiz», - dedi kompanııadan.