Poıyz bıleti bir jylda 20 paıyzǵa qymbattady

ASTANA. QazAqparat – Osy jyldyń qazan aıynyń qorytyndysynda elimizde temir jol kóligimen jolaýshy tasymaldaý qyzmetiniń baǵasy byltyrǵymen salystyrǵanda 19,6 paıyzǵa qymbattady, dep habarlaıdy QazAqparat tilshisi.

Energyprom.kz portalynyń málimetinshe, qalamańy poıyz bıleti 16,7 paıyzǵa, al respýblıkaishilik poıyzdyń platskart vagonyna bılet 20,6, kýpe vagonynda 17,8 paıyz qymbattady.

Óńirler arasynda baǵanyń eń joǵary ósimi Shymkent qalasy (bir jylda 56,3%), sondaı-aq Jetisý (45%) jáne Almaty (32,3%) oblystarynda tirkeldi.

Al baǵanyń eń az ósimi Aqtóbe (4,9%), Batys Qazaqstan (6,6%), Ulytaý jáne Pavlodar (árqaısysynda 8%) oblystarynda baıqaldy.

Bıyl qańtar-qyrkúıekte temirjol kóligimen 14,7 mln jolaýshy tasymaldandy. Bul ótken jylmen salystyrǵanda 32,6 paıyzǵa artyq.

Qyrkúıekte jolaýshy tasymaly 1,6 mln jolaýshyny qurap, bir jyl ishinde 32,7 paıyzǵa ósti.

Poıyz qyzmetin kóbine elorda turǵyndary paıdalandy: 3,5 myń adam.

Odan keıingi orynda Aqtóbe jáne Qyzylorda oblystary tur. Eń tómengi kórsetkish Batys Qazaqstan oblysynda tirkeldi.