Poıyzdardyń keshigýine ne sebep – mınıstrdiń jaýaby

<p>&nbsp;ASTANA. KAZINFORM &ndash; QR Kólik mınıstri Marat Qarabaev Májiliste poıyzdardyń keshigýi nelikten jıilep ketkenin túsindirdi.</p>

«2021 jyly tasymaldaýshynyń kinásinen poıyzdar jalpy 60 saǵatqa keshikti. 2023 jyly keshigý ýaqyty shamamen 7 ese ósti. Al 2023 jyly poıyzdar 412 saǵatqa keshikken. Alty saǵattan astam poıyz kútken 45 myń jolaýshy tamaqpen qamtylmaǵan. Jolaýshylar tasymaly nege nasharlap ketti jáne poıyzdar qashan keshigýin toqtatady?», - dep suraq qoıdy Májilis depýtaty Islam Suńqar Kólik mınıstrine.

Óz jaýabynda Marat Qarabaev poıyzdardyń keshigýine eki sebep bar ekenin atap ótti.

«Ókinishke oraı, bizde magıstraldi temirjol jelileriniń tozýy 57 paıyzǵa jetti. Sondyqtan sońǵy 3 jylda, tipti 2 jylda jóndeý jumystaryn júrgizýdi aıtarlyqtaı kóbeıttik. Jylyna 1400-1500 shaqyrym rels jóndeledi. Negizgi jumystar jaz mezgilinde júrgiziledi. Merdiger 2 kúnde jumysty aıaqtaýǵa ýáde beredi, keıde úlgermeı qalady. Bul poıyzdardyń júrýine áserin tıgizedi», - dep túsindirdi mınıstr.

Ekinshiden, vagondardyń sany jetkiliksiz bolǵan.

«2019-2021 jyldary 600 vagon esepten shyǵarylsa, ornyna 300 vagon ǵana kelgen. Sondyqtan ótken jyly jańa vagondardy kóptep alý sheshimi qabyldandy. Byltyr 113 vagon, bıyl – 140, keler jyly – 240 vagon ákelinedi. Jalpy 2030 jylǵa deıin 1200 jańa vagon alynyp, 70 paıyzǵa deıin jańarýǵa qol jetkizemiz», - dedi M. Qarabaev.