POST.KZ portalynyń 100 myńynshy paıdalanýshysy - mektep oqýshysy
Soltústik Qazaqstan oblysynyń Presnov aýylynyń 15 jasar turǵyny Sıdorov Petr Vıktorovıch 14 qazanda jiberilgen sálemdemeni trek nómiri boıynsha qadaǵalaý úshin POST.KZ portalyna tirkeldi, dep habarlaıdy QazAqparat «Qazposhtanyń» baspasóz qyzmetine silteme jasap.
«Aldymen 100 myńynshy bolyp tirkelgenime senbeı, saıttaǵy menedjerge jazdym, ol bul derekti dáleldedi, - dep bólisti óz áserimen Petr Sıdorov. - Men AliExpress-ten satyp alǵan tapsyrysymdy olardyń saıtyna kirip qadaǵalaıyn dep edim, AliExpress meni POST.KZ-qa jiberdi. Portalda tirkelip 2 mınýttyń ishinde sálemdemeniń qaı jerde kele jatqanyn baqylap aldym».
«Kún saıyn portalda sálemdemeni baqylaý boıynsha 2 myńnan astam suranys tirkeledi. Búgingi tańda klıentterden 170 mıllıonnan astam trek nómir boıynsha sálemdemeni baqylaý suranystary qabyldandy», - deıdi «Qazposhtadan».
«Mereıtoılyq» paıdalanýshyny «Qazposhta» AQ Soltústik Qazaqstan oblystyq fılıalynyń dırektory Erik Nuraqaevquttyqtap, syılyǵyn tapsyrdy.
Soltústik Qazaqstan oblysy POST.KZ portalynyń qyzmetterin paıdalanatyn ozyq aımaqtardyń qatarynda.
Ótken jyldyń jeltoqsan aıyndap iske qosylǵan POST.KZ ulttyq portaly 30-dan astam poshtalyq jáne qarjy qyzmetterin onlaın rejıminde usynady. Alǵash 10 myńynshy paıdalanýshy 2016 jyldyń qańtar aıynda tirkeldi. Qyrkúıek pen qazan aılary arasyndaǵy derek boıynsha, portalda 900 adam tirkeldi.