Poshta qyzmeti jańa mobıldi qosymshamen tolyqty
«Biz Qazposhta tólem kartalaryn ustaýshylar úshin post.kz arqyly tólemderge komıssııany joıdyq. Dostar, men poshta bólimshelerine kelip, onda kezekke turyp kommýnaldyq nemese salyq tólemderin jasaýdy unatpaıtyn adamdardyń pikirin jelide jıi kórem. Onlaın qyzmet alyp úırengen mobıldi azamattar úshin post.kz portalyn iske qosyp, damytyp jatqanymyzdy aıtqym keledi», - dep jazdy «Qazposhta» AQ basqarma tóraǵasy Sáken Sársenov óziniń Feısbýk paraqshasynda.
Onyń aıtýynsha, endigi ýaqytta post.kz arqyly zeınetaqy jarnalaryn, mindetti medıtsınalyq saqtandyrý jarnalaryn, áleýmettik tólemderdi, kommýnaldyq jáne basqa da tólemderdi komıssııasyz tóleı alasyz.
«Portal qyzmetterin paıdalanatyn qalǵan klıentterimiz endi uıaly baılanys úshin 50 teńge, kommýnaldyq tólemder úshin - 100 teńge, zeınetaqy jarnalary, mindetti medıtsınalyq saqtandyrý jáne áleýmettik tólemder úshin - 1%, biraq 100 teńgeden kem emes, komıssııa tóleıdi. Esterińizge sala keteıin, post.kz portalyn nemese onyń mobıldi qosymshasyn paıdalana otyryp poshtalyq jáne qarjylyq qyzmetter úshin túrli tólemder jasaı alasyzdar», - deıdi ol.
Sonymen qatar, atalǵan qyzmet arqyly joldaǵan sálemdemeńizdi qadaǵalap, ony poshtamatqa jiberip, poshta bólimshesine barý ýaqytyn brondap, aqsha aýdaryp, hat jiberip, 6 myń qyzmet kórsetýshige (KSK, balabaqshalar, kólik jáne álemettik kartalar jáne t.b.) aqy tóleý múmkindigi bar.
Mobıldi qosymsha Android jáne iOS qoldanýshylary úshin qoljetimdi.