Poshta arqyly jóneltiletin esirtki zattary qalaı anyqtalyp jatyr

<p>ASTANA. KAZINFORM &mdash; Poshta arqyly esirtki jóneltýge tyrysatyndar anyqtalyp jatyr. Bul týraly &laquo;Qazposhta&raquo; AQ basqarma tóraǵasy Ásel Janasovany aıtty.</p>

Búgin Májiliste ótken baspasóz máslıhatynda tilshiler poshta arqyly jiberiletin zattardyń arasynda zańsyz esirtki tasymaly boıynsha neshe derek anyqtalǵanyn surady.

Óz kezeginde Á. Janasova qazir «Qazposhta» quqyq qorǵaý organdarymen tyǵyz yntymaqtastyqta jumys istep jatqanyn aıtty.

- Eki jylda ne istedik? Bul problema boıynsha osy derekterdiń anyqtalýyna kómektesip jatyrmyz. Bizdiń qoımalar men zattardy suryptaý ǵımarattarynda úıretilgen ıtterdi ustaımyz. Osy ıtter arqyly zańsyz zattar anyqtalyp jatyr. Barlyq qoımada rentgen apparattar ornatylǵan. Bıyl 7 oqıǵa (esirtkige qatysty) anyqtalyp, ony quqyq qorǵaý organdaryna habarladyq. Byltyr osyndaı 5 jaǵdaı anyqtaldy, - dedi «Qazposhta» basshysy.

Budan buryn habarlanǵandaı, búgin Májilistiń jalpy otyrysynda «Poshta týraly» Zańyna ózgerister men tolyqtyrýlar engizý týraly» zań jobasy birinshi oqylymda maquldandy.