Portýgalııada vaktsınadan bas tartqan otbasynyń úsh múshesi COVID-19-dan kóz jumdy

KARDIF. QazAqparat – Portýgalııada vaktsına saldyrýǵa qarsy adamdardyń jalǵan aqparatyn estigennen keıin ekpe alýdan bas tartqan otbasy bir apta ishinde koronavırýs ınfektsııasynan qaıtys boldy. Kardıf qalasynyń turǵyny ata-anasy men inisiniń vırýstan kóz jumǵany týraly málimdedi, dep habarlaıdy QazAqparat The Guardian basylymyna silteme jasap.

Frensıs Gonsalvestiń aıtýynsha, 73 jastaǵy ákesi Bezıl vırýsty aýrýhanada juqtyrǵan, al anasy Sharmeın men Shaýl keshki as kezinde koronavırýs juqtyrǵan.

Olardyń barlyǵy – Portýgalııa turǵyndary, ekpe saldyrtýdan bas tartqan. Sonymen qatar ol ata-anasynyń ekpege qarsy toptyń nasıhatynan adasqanyn qosty.

Gonsalves ata-anasynyń ózge de syrqattary bolǵanyn aıtyp berdi. Al baýyrynyń densaýlyǵy myqty bolǵan. Eger vaktsına alǵanda aman qalar edi dep oılaıdy ol.