Portýgalııada vaktsınatsııaǵa qarsy bolǵan otbasy koronavırýstan kóz jumdy

NUR-SULTAN. QazAqparat – Portýgalııada vaktsınatsııaǵa qarsy bolǵan otbasy túgeldeı koronavırýstan qaıtys boldy. Bul týraly Covid-19 taralýyna jol bermeý jónindegi qazaqstandyq vedomstvoaralyq komıssııanyń Telegram-kanalynda jarııalandy, dep habarlaıdy QazAqparat.

Túrkııada shamamen 6 mıllıon adam pandemııa bastalǵannan beri SARS-COV-2 tasymaldaýshysy boldy. Táýligine indetke shaldyǵýdyń jańadan 23 731 jaǵdaıy tirkeldi jáne elde vırýsty juqtyrý oqılaǵalyrynyń jalpy sany 5 942 271 adamdy qurady. Ótken táýlikte 117 azamat COVID-19 qurbany boldy. Kóz jumǵandar sany 52 313-ke jetti. Qańtar aıynyń ortasynan bastap Túrkııada COVID-19-ǵa qarsy jappaı vaktsınatsııa júrgizilýde. Búgingi tańda Túrkııada jalpy 77,55 mıllıonnan astam vaktsına dozasy salyndy. Onyń ishinde úshinshi, údetkish vaktsınatsııa bar.

Portýgalııada jaǵymsyz oqıǵa oryn aldy. Vaktsınatsııaǵa túbegeıli qarsy bolǵan otbasy túgelimen COVID-19-dan qaıtys boldy. Bul týraly marqumdardyń týysy Frensıs Gonsalves aıtty. Er adamnyń aıtýynsha, anasy, ákesi jáne aǵasy ekpege qarsy úgit-nasıhat tobynyń aıtqandaryna senip, ımmýndaýdan bas tartqan. Barlyǵy koronavırýs juqtyryp, bir apta ishinde qaıtys boldy. F.Gonsalvesh bul faktini vaktsınatsııanyń basqa qarsylastaryna oı salyp, olardyń burys áreketterin toqtatady degen úmitpen jarııalaǵanyn túsindirdi. Qazirgi ýaqytta Portýgalııa bıligi eldiń birqatar aýdanynda, sonyń ishinde astanasy Lıssabonda komendanttyq saǵat engizdi.